जाडरबोबलाद मधील हेलवार कुटुंबियास श्री. उमाजीराव सनमडिकर फाउंडेशनकडून आर्थिक मदत



जत/प्रतिनिधी:- तालुक्यातील गोरगरीब व निराधार समाज्यातील कुटुंबावर नैसर्गिक आपत्ती किंवा इतर कारणामुळे ओढवलेल्या संकटातून सावरण्यासाठी व त्यांच्या दुःखात सहभागी होण्यासाठी "एक हात मदतीचा" या उपक्रमातून जत तालुक्याचे कालकथित माजी आमदार उमाजीराव सनमडीकर (काका) यांच्या कार्याचा वारसा पुढे चालू ठेवत त्यांचे चिरंजीव डॉ. कैलास सनमडीकर आणि त्यांच्या सून व संस्थेच्या चेअरमन सौ.डॉ.वैशाली सनमडीकर यांनी काकांच्या स्मरणार्थ श्री. उमाजीराव सनमडिकर मेडिकल फाउंडेशन जत, च्या वतीने सामाजिक कृतघन्ता निधी म्हणून रोखरक्कम देण्याची सुरुवात केली आहे . 
           ९ फेब्रुवारी २०२२ रोजी जाडरबोबलाद गावातील महिला सुवर्णा परसाप्पा हेलवार आणि त्यांची मुलगी विद्या परसाप्पा हेलवार या दोघींचा ही विद्युत तारेचा शॉक लागून दुर्देवी मृत्यू झाला होता. त्यांची मुले अनाथ झाली आहेत. त्यांच्या कुटूंबाला आर्थिक पाठबळ म्हणून रोखरक्कम स्वरूपात मदत करण्यात आली. यावेळी संस्थेचे पदाधिकारी, मुख्याध्यापक पाटील सर, प्राचार्य वाघमारे सर, रामन्ना कोळी, महादेवाप्पा अंकलगी, बाबासाहेब काटे सर, लायप्पा काटे, दयानंद काटे, पांडुरंग कोळी, नागेश कांबळे, सिद्राम सायगाव, अप्पासाहेब सौदागर, राजेंद्र किट्टद उपस्थित होते.
 
भविष्यात ही अशा अक्समित घटने प्रसंगी श्री.उमाजीराव सनमडीकर मेडिकल फाऊंडेशन च्या वतीने मदत करत राहण्याचा व त्या अनाथ मुलांना संस्था शाखे मध्ये 12 पर्यंत शिक्षण मोफत देण्याचा मानस डाॅ. कैलास सनमडीकर यांनी व्यक्त केला.

Post a Comment

0 Comments