जत शहरातील छत्रपती शिवाजी महाराज पुतळा ते आरळी कॉर्नर रस्त्याची दुरवस्था । त्वरित रस्ता दुरुस्त करावा; अन्यथा रास्ता रोको- योगेश मोटे

जत/प्रतिनिधी: जत शहरातील छत्रपती शिवाजी महाराज पुतळा ते आरळी कॉर्नर या रस्त्यावर मोठ्या प्रमाणात खड्डे पडले आहेत. रास्ता कमी व खड्डे जास्त अशी अवस्था या रस्त्याची झाली आहे. शिवाय मुख्य शिवाजी पेठेतील रस्ता पुर्णतः खराब झाला असून रस्त्यावरून चालनेसुद्धा अवघड बनले आहे. याचा नाहक त्रास पादचारी व वाहन चालकांना सहन करावा लागत आहे. त्यामुळे रस्त्यावरील खड्डे त्वरीत बुजवून नागरिकांची गैरसोय दूर करावी अशी मागणी युवा नेते योगेश मोटे यांनी निवेदनाद्वारे केली आहे. हे निवेदन प्रांताधिकारी, तहसीलदार सचिन पाटील यांना दिले आहे.

       यावेळी योगेश मोटे, किरण शिंदे, युवा नेते नितीन सनदी, डॉ.प्रवीण वाघमोडे, सचिन कुकडे, राहुल मालानी, विशाल कांबळे, प्रमोद ऐवळे, श्रीनिवास बुरुटे, अश्विन हुवाळे, बाळासाहेब सावंत, हणमंत शिंदे, अरुण धोडमणी, अनंत कुकडे आदी उपस्थित होते.

       निवेदनात म्हटले आहे की, जत शहरातील छत्रपती शिवाजी महाराज पुतळा ते आरळी कॉर्नर रस्ता हा शहरातील मुख्य रस्ता आहे. प्रमुख शासकीय कार्यालय या मार्गावर आहेत. याच रस्त्यावरुन लहान-मोठ्या वाहनांची वाहतूक मोठ्या प्रमाणात असते. रस्त्यावर मोठे खड्डे पडले आहेत. त्यामुळे अपघात होण्याची शक्यता आहे. त्याचबरोबर मुख्य शिवाजी पेठेतील रस्ता हा पुर्णतः खराब झाला आहे. त्यामुळे संबधीत प्रशासकीय विभागाने या रस्त्याची त्वरित दुरुस्ती करून खड्डे बुजवावेत असेही निवेदनात म्हटले आहे.



Post a Comment

0 Comments